ᐊᑦᔨᒌᖏᑐᓂᒃ ᐱᒍᓇᐅᑎᓖᑦ ᐱᓇᓱᐊᖃᑎᒌᑦᑐᑦ
ᐱᓪᓗᑯᒋᐊᓕᓕᕆᔨᓄᑦ ᐱᓇᓱᒐᑦᓴᐅᔪᑦ
ᐱᓇᓱᐊᕐᕕᒥ ᐱᓇᓱᑦᑏᑦ ᑲᒪᒋᐊᖃᓲᑦ ᐱᓇᓲᑏᑦ ᐊᑐᕈᓐᓇᓯᐊᕋᓗᐊᕐᒪᖔᑕ, ᓈᒻᒪᒐᓗᐊᕐᒪᖔᑕ ᐊᒻᒪᓗ ᐊᑐᐃᓐᓇᐅᖏᓐᓇᓯᐊᕋᓗᐊᕐᒪᖔᑕ. ᑲᒪᒋᐊᖃᓲᖑᒻᒥᔪᑦ ᖃᐅᔨᒪᐅᑎᐅᒋᐊᓕᓐᓂᒃ ᐊᒻᒪᓗ ᖃᕆᑕᐅᔭᐃᑦ ᐱᑐᑦᓯᒪᐅᑎᖏᑦ ᓈᒻᒪᓈᑦᓯᐊᓯᒪᒐᓗᐊᕐᒪᖔᑕ.
ᓯᑕᒪᐅᑦᓱᑎᒃ ᐱᓇᓱᐊᖃᑎᒌᓲᑦ ᐅᑯᐊ ᓇᐅᑦᓯᑐᕐᑎᒃ, ᐱᓪᓗᑯᒋᐊᓕᓕᕇᔩᒃ ᐊᒻᒪᓗ ᖃᕆᑕᐅᔭᓕᕆᔩᑦ.
ᐱᓇᓱᐊᖃᑎᖃᕐᓱᑎᒃ ᐋᓐᓂᐊᓯᕆᕕᓐᓂᒃ ᐱᓇᓱᑦᑎᓂᒃ, ᑖᓐᓇ ᐱᓇᓱᐊᕐᕕᒃ ᑲᒪᒋᐊᖃᓲᖅ ᐱᔭᕆᐊᓖᑦ ᐸᕐᓇᐃᑕᐅᓂᖏᓐᓂᒃ, ᑲᒪᑦᓱᑎᒃ ᐊᑐᕈᓐᓇᓯᐊᕐᒪᖔᑕ, ᓈᑦᒪᓯᓕᕐᑎᒋᐊᓕᓐᓂᒃ, ᓱᒃᑯᑕᐃᓕᒪᑎᑦᓯᓂᕐᓂᒃ, ᐋᕿᓱᕆᐊᓕᓐᓂᒃ ᐊᒻᒪᓗ ᐋᓐᓂᐊᕕᒻᒥ ᐱᓇᓲᑏᑦ ᐊᓯᑦᔨᑐᕐᑕᐅᒋᐊᖃᓂᖏᓐᓂᒃ ᐊᓯᑦᔨᑐᐃᑦᓱᑎᒃ (ᐊᐅᖏᕐᓯᕕᒻᒥ, ᑕᕐᕋᑐᐃᕕᒻᒥ, ᑭᒍᑎᓕᕆᕕᒻᒥ, ᖁᐱᕐᕈᑯᓗᐃᔭᐃᕕᒻᒥ ᐊᒻᒪᓗ ᐱᓚᑦᑐᐃᕕᒻᒥ) ᑰᑦᔪᐊᑉ ᐋᓐᓂᐊᕕᖓᓃᑦᑐᓂᒃ ᐊᒻᒪᓗ ᐋᓐᓂᐊᕕᐊᐱᓐᓂ ᐅᖓᕙᒥ.
ᑖᑯᐊ 22-ᖑᑦᓱᑎᒃ ᐱᓇᓱᐊᖃᑎᒌᑦᑐᐃᑦ ᐊᑦᔨᒌᖏᑐᓂᒃ ᐱᓇᒐᖃᓲᑦ ᐊᒻᒪᓗ ᐋᕿᓱᐃᔨᐅᑦᓱᑎᒃ ᑐᓚᑦᑕᕕᐅᑉ ᐱᒍᑦᔨᕕᖏᓐᓂ ᐃᓪᓗᖁᑎᖏᓐᓂᓗ.
ᑕᒃᕋᒦᒪᑕ, ᐋᕿᓱᕆᐊᓕᓐᓂᒃ ᐱᓇᓱᐊᕐᑏᑦ ᖃᓄᑐᐃᓐᓇᖅ ᐱᔪᓐᓇᐅᑎᐅᒐᔭᕐᑐᓂᒃ ᕿᓂᖃᑦᑕᕆᐊᖃᓲᑦ ᖃᐅᑕᒫᑦ ᐱᓇᓱᐊᕐᓂᒥᒍᑦ.
ᐱᖁᑎᒻᒪᕆᓕᕆᓂᕐᒥᒃ ᐱᓇᓱᐊᕐᑐᑦ 3 ᐱᓇᓱᑦᑏᑦ, ᐱᓇᓲᑎᓂᒃ ᐱᓪᓗᑯᒋᐊᓕᓕᕆᔨ, ᓴᓇᒪᓂᑦᓴᓂᒃ ᐋᕿᓯᒪᐅᑎᑦᓴᓕᐅᕐᑎ ᐊᒻᒪᓗ ᐃᓪᓗᓕᕆᓂᕐᒧᐊᖓᔪᓂᒃ ᖃᐅᔨᒪᑎᑦᓯᔨ, ᑲᒪᓲᖑᑦᓱᑎᒃ ᐃᓘᓐᓈᒍᑦ ᓄᑕᐅᓯᓕᕐᑎᕆᓂᕐᓂᒃ ᐊᒻᒪᓗ ᐱᖁᑏᑦ ᐋᕿᓯᒪᑎᑕᐅᓂᕆᒋᐊᓕᖏᓐᓂᒃ.
ᐱᓇᓱᐊᖃᑎᒌᑦᑐᑦ ᐸᕐᓇᐃᓲᑦ, ᐃᒫᖓᐃᕐᑎᐅᓱᑎᒃ ᐊᒻᒪᓗ ᐊᑕᐅᑦᓯᑰᕐᑎᓯᕕᐅᑦᓱᑎᒃ ᐃᓘᓐᓈᒍᑦ ᐱᓇᓱᐊᕐᓂᐅᔪᓂᒃ ᐊᑦᔨᒌᖏᑐᓂᒃ ᐊᒻᒪᓗ ᐱᔭᕆᐊᑐᓕᕇᖑᔪᓂᒃ.
ᓄᓇᓖᑦ ᑕᒪᑐᒥᖓ ᐱᒍᑦᔨᕕᐅᔪᑦ
ᑰᑦᔪᐊᖅ
J0M 1C0