ᐋᓐᓂᐊᓯᐅᕐᑎᑐᐃᓐᓇᐃᑦ ᐱᔭᕆᐊᑭᑦᑐᑐᐃᓐᓇᐅᖏᑦᑐᓂᒃ ᐱᓇᓱᐊᕈᒪᒐᔭᕐᑐᐃᑦ
ᐱᓇᓱᒐᖅ ᐱᒻᒪᕆᐅᔪᖅ ᓄᓇᓕᓐᓂ!
ᖃᐅᑕᒫᑦ ᐋᓐᓂᐊᕕᓕᐊᕐᑐᖃᓲᖅ ᐊᑦᔨᒌᖏᑐᓂᒃ ᐱᑦᔪᑎᓕᓐᓂᒃ, ᑐᓚᑦᑕᕕᐅᑉ ᐋᓐᓂᐊᓯᐅᕐᑎᖁᑎᖏᑦ ᒪᑯᓂᖓ ᑲᒪᒋᐊᖃᓲᑦ.
ᐱᐊᕋᕐᓂᒃ ᐋᓐᓂᐊᔪᓂᒃ
- ᐃᓱᒪᒥᒍᑦ ᐱᓇᐃᓗᑕᓕᓐᓂᒃ
- ᓇᐅᒃᑯᑐᐃᓐᓇᖅ ᐋᓐᓂᐊᔪᓂᒃ
- ᐊᑯᓂ ᑲᒪᒋᔭᐅᒋᐊᓕᓐᓂᒃ
- ᐱᐊᕋᑦᓴᓕᓐᓂᒃ
- ᐅᐃᒪᓇᕐᑐᓂᒃ
- ᐊᑦᑕᓇᕐᑐᒦᑦᑐᓂᒃ
- ᓄᓇᓕᒻᒥ ᓇᐅᓕᒫᓄᑦᓗ ᖃᓄᐃᖏᓯᐊᕐᓂᕆᒋᐊᓕᖏᓐᓂᒃ
- ᐋᓐᓂᐊᕕᓕᐊᕈᑦᔭᐅᓚᐅᕐᑎᓇᒋᑦ ᑲᒪᓂᖅ
- ᐋᓐᓂᐊᓯᐅᕐᑏᑦ ᐅᐃᒪᓇᕐᑐᓕᕆᔨᓄᑦ/ᐋᓐᓂᐊᔪᕐᑕᐅᑎᑯᑦ ᐊᐃᑦᓯᔨᒥᒃ ᒪᓕᓲᑦ ᑲᒪᒋᐊᕐᑐᖄᕐᓱᑎᒃ ᐋᓐᓂᐊᕕᓕᐊᕈᑦᔨᖏᓐᓂᖏᓐᓂ.
- ᖃᖓᑦᑕᔫᒃᑯᑦ ᐊᐃᔭᐅᓲᑦ ᐋᓐᓂᐊᕕᓕᐊᕆᐊᓖᑦ ᓄᓇᓕᓐᓂ ᑰᑦᔪᐊᒧᑦ ᐊᓯᖏᓐᓄᓘᓐᓃᑦ ᐋᓐᓂᐊᕕᓐᓄᑦ ᓄᓇᕕᐅᑉ ᓯᓚᑖᓃᑦᑐᓄᑦ ᐊᐅᓪᓚᐅᔭᐅᒋᐊᓖᑦ.
ᐋᓐᓂᐊᕕᒻᒥ, ᐋᓐᓂᐊᕕᐊᐱᓐᓂ ᐊᒻᒪᓗ ᓄᓇᓕᓐᓂ ᐱᒍᑦᔨᓃᑦ
- ᐱᒍᑦᔨᕕᐅᓲᖅ ᐋᓐᓂᐊᔪᓂᒃ. ᐋᓐᓂᐊᑎᐅᕐᑏᑦ ᐊᑦᔨᒌᖏᑐᓂᒃ ᐱᒍᑦᔨᒋᐊᖃᓲᑦ. ᐋᓐᓂᐊᓯᐅᕐᑏᑦ ᑲᒪᒋᐊᖃᓲᑦ ᐃᒪᐃᑦᑐᓂᒃ: ᐋᓐᓂᐊᓯᐅᕆᓂᑐᐃᓐᓄᑎᒍᑦ, ᐊᖏᔫᖏᑐᓂᒃ ᐱᓚᑦᑕᐅᓂᖃᕆᐊᓕᓐᓂᒃ, ᑲᒪᒋᔭᐅᓪᓗᑯᒋᐊᓕᓐᓂᒃ, ᐃᓱᒪᓕᕆᓂᕐᑎᒍᑦ, ᐱᐊᕋᑦᓴᓕᓐᓂᒃ ᑲᒪᓃᑦ, ᐱᐊᕋᕐᑖᑎᑦᓯᕕᒻᒥ, ᐱᐊᕋᑦᓴᐃᑕᐅᑎᑦᓯᓂᕐᓂᒃ, ᖃᓄᐅᒍᓐᓇᐃᓰᓂᕐᓂᓗ.
- ᐃᑲᔪᕆᐊᖃᓲᖑᒻᒥᓱᑎᒃ ᐋᓐᓂᔪᕐᑕᐅᑎᒃᑯᑦ ᐊᐅᓚᐅᔭᐅᔪᖃᓕᕐᒪᑦ ᐊᑐᓂᓗ ᓱᖏᐅᓯᓴᕆᐊᖃᓲᖑᒻᒥᓱᑎᒃ ᐱᓇᓱᐊᕐᕕᒥᓂ ᐱᒍᑦᔨᒍᑕᐅᒋᐊᓕᓐᓂᒃ ᐊᑦᔨᒌᖏᑐᓂᒃ ᐱᓇᓱᐊᕐᑕᐅᒋᐊᓕᓐᓂᒃ.
- ᐊᑐᓂ ᓄᓇᓖᑦ ᑰᑦᔪᐊᑉ ᑕᕐᕋᖓᙲᑦᑐᑦ ᐋᓐᓂᐊᕕᐊᐱᓖᑦ. ᒪᕐᕉᓃᒃ ᓯᑕᒪᓂᓪᓘᓃᑦ ᐊᓐᓂᐊᓯᐅᕐᑎᖃᓲᑦ ᐋᓐᓂᐊᕕᐊᐱᓐᓂ ᑲᒪᔨᐅᔪᓂᒃ, ᐅᐃᒪᓇᕐᑐᓂᒃ ᐊᒻᒪᓗ ᓄᓇᓕᓐᓂ ᐱᒍᑦᔨᓂᐅᒋᐊᓕᓐᓂᒃ. ᑕᒪᒃᑯᓇᓂ ᐱᓇᓱᐊᕆᐊᓕᖏᑦ ᐊᒥᓲᓂᕐᓴᐅᓲᑦ ᐱᓇᓱᐊᕐᓱᑎᒃ ᓇᓪᓕᑳᑦᑎᓲᑦ ᑕᐃᒪᖓ ᐊᑐᐃᓐᓇᖃᖃᑦᑕᑎᓪᓗᒍ ᐋᓐᓂᐊᓯᐅᕐᑎᓂᒃ.
- ᑕᒪᑐᒧᖓ ᐃᓕᖓᔪᓂᒃ ᐋᓐᓂᐊᓯᐅᕐᑏᑦ ᐋᓐᓂᐊᑕᕐᑕᐃᓕᒪᑎᑦᓯᓂᕐᒥᒃ ᐱᓇᓱᐊᕐᓂᓴᐅᓲᑦ. ᐱᓇᓱᐊᖃᑎᖃᓲᑦ ᓄᓇᓕᒻᒥᐅᓂᒃ (ᐃᓕᓐᓂᐊᕕᓐᓂᒃ, ᐸᐃᕆᑦᓯᕕᓐᓂᒃ, ᓄᓇᓕᐅᑉ ᑲᑎᖓᔨᖏᓐᓂᒃ, ᐊᑎᖏᓐᓂᓗ) ᖃᓂᑕᖃᕐᓱᑎᒃ ᐃᓄᓕᒫᓂᒃ.
ᖃᓄᑐᐃᓐᓇᖅ ᖃᐅᔨᒍᒪᓯᑎᑦᓱᓂ ᐱᐅᓯᓕᒃ
ᑐᓚᑦᑕᕕᐅᑉ ᐋᓐᓂᐊᓯᐅᕐᑎᖏᑦ ᖃᓄᑐᐃᓐᓇᖅ ᖃᐅᔨᒍᒪᓯᑎᐅᑦᓱᑎᒃ ᐱᐅᓯᖃᓲᑦ. ᐱᔪᓐᓇᓂᕐᒥᓂᒃ ᖄᖏᐅᑎᑎᑦᓯᓴᒻᒪᕆᑦᓱᑎᒃ ᑲᑦᓱᖓᖏᐃᑦᑑᒧᑦ!
ᓄᓇᓖᑦ ᐱᒍᑦᔨᕕᐅᒍᓐᓇᑐᑦ
ᑲᖏᕐᓱᔪᐊᖅ
J0M 1K0
ᑰᑦᔪᐊᖅ
J0M 1C0
ᑕᓯᐅᔭᖅ
J0M 1T0
ᐊᐅᐸᓗᒃ
J0M 1X0
ᑲᖏᕐᓱᖅ
J0M 1A0
ᖁᐊᕐᑕᖅ
J0M 1J0
ᑲᖏᕐᓱᐊᓗᑦᔪᐊᖅ
J0M 1N0