ᓄᑖᖅ ᐊᓐᓂᐊᓯᐅᕐᑕᐅᕕᒃ ᐅᒃᑯᐃᑕᐅᓐᓂᖁᖅ ᐅᓪᓗᒥ ᕿᑎᕋᓕᕇᒥ ᐁᓯᒪᑎᓪᓗᒋᑦ, ᐃᓚᐅᔪᑦ ᑲᑎᕕᒃ ᓄᓇᓕᓕᒫᑦ
ᑲᕙᒪᖓ, ᐊᐅᐸᓗᒻᒥᐅᑦ ᐊᒻᒪᓗ ᓄᓇᓕᒻᒥ ᐱᓇᓱᖃᑎᖏᑦ.
ᓄᑖᖅ ᓄᓇᓕᐅᑉ ᐋᓐᓂᐊᓯᐅᕐᑕᐅᕕᖓ ᐊᐅᐸᓗᒻᒥ, ᐊᑎᖓ ᖃᓪᓕᓴᕐᕕᒃ ᐊᑦᓯᑕᕕᓂᐅᑦᓱᓂ ᐊᐅᐸᓗᒻᒥᐅᓄᑦ, ᑐᑭᓕᒃ
ᐊᓯᑦᔨᒪᕆᓐᓂᒥᒃ ᓄᓇᕕᒻᒥᐅᓄᑦ. ᐃᒫᓕ, ᓄᑖᖅ ᐋᓐᓂᐊᓯᐅᕐᑕᐅᕕᒃ ᐅᑭᐅᕐᑕᑐᒥ ᓄᓇᓕᐅᑉ ᐋᓐᓂᐊᓯᐅᕐᑕᐅᕕᖏᓐᓂ
ᑐᖕᖓᕕᖃᕐᖁᑦ ᐃᓱᒪᒋᔭᐅᔪᒥᒃ “ᐃᓂᒃ ᖃᓄᐃᒍᓐᓀᕕᒃ”, ᐃᒣᒻᒪᑦ ᑌᑦᓱᒪᓂ, ᓄᓇᕕᒻᒥᐅᑦ ᐃᓱᒪᒋᔭᖃᖃᑦᑕᑕᓯᒪᒻᒪᑕ
ᓄᓇᓕᐅᑉ ᐋᓐᓂᐊᓯᐅᕐᑕᐅᕕᖓᓂᒃ “ᐃᓂᒃ ᐅᐸᑦᑕᐅᓲᖅ ᐋᓐᓂᐊᔪᓄᑦ” (ᐋᓐᓂᐊᕕᒃ ). ᑖᓐᓇ ᓄᑖᖅ ᖃᓄᐃᓗᕈᓯᖅ
ᓄᐃᑦᓯᒍᑎᐅᓐᓂᖁᖅ ᖃᓄᐃᓕᖓᓂᑦᓴᖓᓂᒃ ᐱᒍᑦᔨᕕᐅᑉ, ᐃᓂᓪᓚᖓᒍᓯᖓ ᐊᓪᓚᖑᐊᕐᑕᐅᒪᓂᖓᓗ. ᑕᒪᓐᓇ ᐱᓪᓗᒍ,
ᐃᓄᐃᑦ ᐱᐅᓯᑐᖃᕐᒥᑎᒍᑦ ᐋᓐᓂᐊᓯᐅᕆᓂᕐᒥ ᐃᓚᐅᔪᑦ, ᐃᓗᕐᕈᓯᒥ ᐊᑑᑎᕕᑦᓴᖃᕐᓱᓂ, ᐃᓘᓐᓇᓕᒫᖓ
ᑮᓇᐅᔭᖃᕐᑎᑕᐅᑦᓱᓂ ᑐᕐᖃᑕᕐᕕᖓᓄᑦ ᐃᓗᓕᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᖏᓐᓂᑦ ᑯᐯᒃᒥ.
ᐅᖓᕙᒥ ᑐᓚᑦᑕᕕᒃ ᐊᓐᓂᐊᕕᖓ ᐊᓕᐊᓱᒃᑯᑦ ᐊᑦᔨᒋᖕᖏᑐᓂᑦ ᐱᒍᑦᔨᒍᑎᓂᑦ ᐊᑐᐃᓐᓇᐅᑎᑦᓯᓂᕐᒥᓂᒃ
ᐃᓗᓯᓕᕆᔭᐅᒍᑎᓂᑦ, ᐃᓄᓕᕆᔭᐅᒍᑎᓂᑦ ᐊᒻᒪᓗ ᓄᓇᓕᒻᒥᒃ ᐱᒍᑦᔨᒍᑎᓂᑦ, ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᒍᑎᖏᑦ
ᐃᓚᐅᑎᑕᐅᕗᑦ ᑖᒃᓱᒥᖓᑦᓭᓇᖅ ᐱᒍᑦᔨᕕᒻᒥᓂᐊᕐᓱᑎᑦ ᐃᑲᔪᕐᓯᒍᑎᐅᓂᐊᕐᑐᖅ ᐊᐅᐸᓘᑉ ᓄᓇᓕᖓᓂᒥᐅᓂᑦ. ᐃᓄᐃᑦ
ᐃᓗᕐᕈᓯᖓ ᓄᐃᑕᕗᖅ ᑖᑦᓱᒥᖓ ᓄᑖᒥᒃ ᐱᒍᑦᔨᒍᑎᒥᒃ, ᓇᑯᕐᒦᖁᒍᑦ ᐃᓚᐅᑎᑕᐅᒻᒪᑦ ᖃᕆᐊᖅ
ᖃᓄᐃᖕᖏᓯᐊᕆᐊᖃᕐᓂᓕᕆᓂᕐᒧᑦ ᐱᓇᓱᑦᑕᐅᕕᒃ ᐃᓅᖃᑎᒌᓄᑦ ᐃᓗᕐᕈᓯᑎᒍᓪᓗ ᐊᑑᑎᕕᐅᖃᑦᑕᓂᐊᕐᒪᑦ.
ᐅᖓᕙᒥ ᑐᓚᑦᑕᕕᒃ ᖃᓄᐃᖕᖏᓯᐊᕐᓂᒧᑦ ᓇᑯᕐᒦᕈᒪᕗᖅ ᑭᐊᔨ ᐱᓕᐊᒥᒃ ᐆᓪ ᐱᓐᓱᒃᒥᓗ, ᓄᐃᑦᓯᒋᐊᖕᖓᓯᒪᔫᓐᓂᒃ ᓴᓇᖕᖑᐊᓂᒃᑯᑦ ᒪᒥᓴᕐᓂᒥᒃ ᑮᓇᐅᔭᖃᕐᑎᓯᕕᐅᔪᒥᒃ, ᑐᓂᔨᓚᐅᕐᒪᓂᒃ 14-ᓂᒃ ᓴᓇᖕᖑᐊᑕᐅᓯᒪᔪᓂᒃ ᑲᓇᑕᒥ ᓄᓇᖃᕐᖄᓯᒪᔪᓄᑦ ᐃᓄᓐᓄᓗ. ᑕᓐᓇ ᑐᓂᔨᓂᖓ ᐱᕕᖃᕐᑎᓯᓚᖓᔪᖅ ᓄᓇᓕᒻᒥᐅᓂᒃ ᐳᓛᕆᐊᕐᑐᓂᓪᓗ ᐅᐱᒍᓱᑦᑎᓗᒋᑦ ᐃᓕᕐᖁᓯᕐᒥᒍᑦ ᐱᑕᓕᐊᓘᓂᖓᓂᒃ ᐅᑭᐅᕐᑕᑐᒥᐅᑦ. ᓇᑯᕐᒦᑕᕗᒃ ᑖᒃᑯᐊ ᙯᓯᒪᒍᓐᓇᓚᐅᕐᒪᓂᒃ ᐊᔪᐃᓐᓇᑎᐅᓂᖓᓄᓪᓗ ᑕᑯᑦᓴᐅᑎᑦᓯᒍᒪᓂᕐᒥᒍᑦ ᐃᓄᐃᑦ ᐃᓕᕐᖁᓯᖓᓂᒃ, ᐊᓂᐊᕕᒻᒦᒋᐊᖃᕐᐸᑐᓂᒃ, ᐱᑦᔪᔭᐅᕙᑦᑐᓂᒃ ᐳᓛᕆᐊᕐᐸᓂᐊᕐᑐᓂᓪᓗ ᖃᓄᐃᒍᓐᓀᕕᑦᑖᖃᒻᒥᒧᑦ ᐅᐱᒋᔭᖃᑦᓯᐊᒪᓂᒃ.
200-ᓂᒃ ᐃᓄᖃᕋᒥ ᓄᓇᕕᒻᒥ ᓄᓇᓕᓐᓂᒃ ᒥᑭᓂᕐᐹᖅ
ᐊᐅᐸᓘᓚᕿᔪᖅ ᓄᓇᖓ ᐊᐅᐸᓗᑦᑕᐅᒪᑦ ᐅᔭᕋᖃᕋᒥ ᓄᓇᖓ ᑭᑭᐊᑦᓴᔭᓂᒃ ᐊᐅᐸᓗᑦᑕᓂᒃ
ᓄᓇᖓ Hope Advance Bay-ᒦᑦᑐᖅ
ᐊᐅᐸᓗᒻᒥ ᓄᓇ ᒪᓂᕋᕐᑐᕋᑕᖅ ᐱᓱᕋᔮᕐᕕᒋᒋᐊᖓ ᓈᒻᒪᓯᐊᕐᑐᖅ
ᓄᓇᓕᖓᓃᑦᓱᓂ ᐅᖓᕙ ᓄᐃᑕᑦᓯᐊᑐᖅ
ᐃᓄᓐᓄ ᓄᓇᓕᖑᑎᑕᐅᓯᒪᔪᖅ 1975-ᖑᑎᓪᓗᒍ
