“De garde 24/7” ᑕᓚᕖᓴᒃᑯᑦ ᑕᑯᑦᓴᐅᓲᖅ ᐊᑦᔨᓕᐅᕆᕗᖅ ᐱᖓᓱᐃᓕᖓᔪᒥᒃ ᑐᓚᑦᑕᕕᒻᒥ
ᐊᑐᐃᓐᓇᐅᓯᐊᖏᓐᓇᓕᒫᕐᑐᖅ ᑕᑯᓐᓇᑕᐅᕕᑦᓴᔭᒥ Télé-Québec
ᐱᖓᓱᑦ ᑕᑯᓐᓇᕋᑦᓴᓕᐊᖑᒪᔪᑦ ᑫᕙᓪᓚᒍᓯᓕᒫᒥᒃ ᑕᑭᓂᓖᑦ ᐊᑐᓂ
ᖃᓄᐃᓕᖓᕚ ᐃᓗᓯᖓ ᐃᓄᐃᑦ ᑯᐯᑉ ᑕᕋᖓᓂᒥᐅᑦ?
ᓱᒧᑦ ᐃᓄᐃᑦ ᐅᐃᒪᓇᕐᓯᔪᑦ ᑲᒪᒋᔭᐅᕕᖓᓅᓲᖑᕙᑦ. ᓱᓇᓂᒃ ᐋᓐᓂᐊᖃᕐᓱᑎᒃ ᐋᓐᓂᐊᕕᒻᒦᓚᕿᓲᖑᕙᑦ ᐅᕝᕙᓗᓐᓃᑦ ᐊᐅᓪᓚᐅᔭᐅᒋᐊᖃᓚᕿᓲᖑᕙᑦ ᖃᓪᓗᓈᑦ ᓄᓇᖓᓄᑦ?
ᕕᕗᐊᕆ 2024-ᖑᑎᓪᓗᒍ, ᐊᑦᔨᓕᐅᕆᔩᑦ ᑕᓛᕕᓴᒃᑯᑦ ᑕᑯᑦᓴᐅᓲᓂᒃ “De garde 24/7” ᑯᑦᔪᐊᓕᐊᓚᐅᔪᑦ, ᑲᖏᓱᕐᒧᑦ ᑲᖏᕐᓱᔪᐊᒧᓪᓗ ᐃᓕᑦᓯᓕᐅᒥᒍᒪᑦᓱᑎᒃ ᐅᑭᐅᕐᑕᑐᒥ ᐱᐅᓯᐅᓲᓂᒃ ᐋᓐᓂᐊᓯᐅᕆᓂᕐᒥ. ᑐᕌᒐᖃᕐᓱᑎᒃ: ᑯᐯᒻᒥᐅᓂᒃ ᑐᓴᕐᑎᓯᓂᕐᒥᒃ ᖃᓄᐃᑦᑐᐃᑦ ᐊᑦᔨᒌᖕᖏᑐᑦ ᐋᓐᓂᐊᓯᐅᕆᒍᓯᐅᓲᖑᒻᒪᖔᑕ ᐅᖓᕙᐅᑉ ᓄᓇᓕᖏᓐᓂ ᑐᓚᑦᑕᕕᒻᒥᓗ ᐋᓐᓂᐊᕕᒻᒥ ᑲᒪᒋᔭᐅᓲᑦ.
ᖃᓄᖅ ᑲᒪᒋᔭᖃᓲᖑᕕᑕ ᐃᓗᓯᕐᓱᓯᐊᕈᓐᓀᑐᓂᒃ ᑲᒪᒋᔭᐅᑲᐱᒋᐊᖃᓕᕐᑐᓂᒃ, ᐱᓪᓗᑯᒋᐊᓕᕐᑎᒍᑦ ᐅᕝᕙᓗᓐᓃᑦ ᐱᓪᓗᑯᒋᐊᖃᒻᒪᕆᑦᑐᑎᒍᑦ ᐋᓐᓂᐊᓯᐊᕐᑕᐅᒍᑎᖃᕆᐊᓕᓐᓂᒃ?
ᑯᐯᒻᒥ ᑕᓚᕖᓴᒃᑰᑎᑦᓯᔨᒃᑯᑎᒍᑦ, ᑕᑯᓐᓇᕆᑦ ᐋᓐᓂᐊᓯᐅᕐᑎᒪᕆᓐᓂᒃ ᐊᓐᓂᐊᓯᐅᕆᔨᓂᓪᓗ ᑐᓚᑦᑕᕕᒻᒥ ᖃᐅᑕᒫᑦ ᐃᓅᓯᕆᓲᒥᓂᒃ ᐊᑐᕐᑎᓗᒋᑦ ᑲᑎᓯᓗᑎᓪᓗ ᐋᓐᓂᐊᓯᐅᓲᖏᓐᓂᒃ. ᐅᖃᐅᓯᖏᑦ ᐱᓇᓱᑦᑏᑦ, ᐊᑐᕐᑏᑦ ᒪᓕᑦᑎᖏᓪᓗ ᑐᑭᓯᓇᕐᑎᓯᒋᐊᓪᓚᓚᖓᕗᑦ ᐃᓄᐃᑦ ᐃᓕᕐᕈᓯᖓᓂᒃ, ᐅᑉᐱᕆᔭᖏᓐᓂᒃ ᐊᓐᓂᓇᕐᑐᖁᑎᖏᓐᓂᓗ.
ᖃᐅᔨᓕᐅᒥᒍᑎᒋᒍᓐᓇᑕᓯ ᐅᖓᓯᑦᑐᒥᐅᖑᓂᕐᒥᒃ, ᐊᕐᖁᑎᖃᖕᖏᒪᑦ ᓄᓇᓕᓐᓂᒃ ᐱᑐᑦᓯᒪᑎᑦᓯᔪᓂᒃ ᐅᕝᕙᓗᓐᓃᑦ ᒪᓐᑐᕆᐊᓕᐊᕐᑐᓂᒃ ᑯᐯᒻᒧᓗᓐᓃᑦ. ᐱᓇᓱᐊᕈᑕᐅᕙᑦᑐᓂᒃ ᑕᑯᒋᑦ ᐱᓇᓲᑎᖃᑦᓯᐊᖏᒃᑲᓗᐊᕋᒥᒃ ᐊᔪᐃᓐᓇᓲᓂᒃ ᐅᐃᒪᓇᕐᓯᔪᖃᕐᒪᓗ ᖃᖓᑦᑕᔫᒃᑯᑦ ᐁᑦᓯᓲᓂᒃ ᖃᓄᐃᖕᖏᑑᖁᔨᒧᑦ ᓴᐳᑦᔨᓯᒪᒍᒪᒧᓪᓗ ᐃᓅᓯᖏᓐᓂᒃ ᓄᓇᕕᒻᒥᐅᑦ.
ᑖᒃᑯᐊ ᐱᖓᓱᐃᓕᕿᖓᔪᑦ ᑕᑯᑦᓴᐅᑎᑕᐅᓕᕐᐸᑕ, ᑕᑯᓛᕐᑐᓯ ᐊᑦᔨᓕᐅᕐᑕᐅᒪᑎᓪᓗᒋᑦ ᐋᓐᓂᐊᓯᐅᕐᑎᒪᕇᑦ ᑲᑐᕆᓐ ᓴᕋᓯᓐ, ᓴᓕᐅ ᒪᒻᐯ, ᑎᕕᑦ ᓵᑉ ᐊᒻᒪᓗ ᐊᓐᓂᐊᓯᐅᕐᑎ ᓲᕕ ᑲᓕᐴ
ᐋᓐᓂᐊᓯᐅᕐᑎᒪᕆ ᑲᑐᕆᓐ ᓴᕋᓯᓐ
ᐋᓐᓂᐊᓯᐅᕐᑎᒪᕆ ᓴᓕᐅ ᒪᒻᐯ
ᐋᓐᓂᐊᓯᐅᕐᑎᒪᕆ ᑎᕕᑦ ᓵᑉ
ᓱᕕ ᑲᓕᐴ, ᐊᓐᓂᐊᓯᐅᕐᑎ
ᐊᑦᔨᓕᐅᕐᑕᐅᓂᖓ ᐱᖓᓱᐃᓕᕿᖓᔪᑦ ᑕᑯᑦᓇᑕᐅᒐᑦᓭᑦ “De garde 24/7”-ᒥ ᐊᑑᑎᓚᐅᔪᖅ ᕕᕗᐊᕆ 14-ᒥ 19-ᒥᓗ, 2024 ᑯᑦᔪᐊᑉ ᐋᓐᓂᐊᕕᖓᓂ
ᓱᓇᐅᕚ “De garde 24/7”?
ᑕᑯᑦᓴᐅᑎᑕᐅᓲᖅ, ᓄᐃᑕᑎᑕᐅᕙᑦᑐᖅ ᑯᐯᑉ ᑕᓚᕖᓴᖃᕐᑎᓯᕕᖓᒍᑦ 2015-ᒥᓂ, ᓇᐅᓕᒫᓄᑦ ᖃᐅᔨᒪᔭᐅᓲᖑᖕᖏᑐᓂᒃ ᐋᓐᓂᐊᓯᐅᕆᓂᐅᔪᓂᒃ ᐊᑐᕐᐸᑕᖏᓐᓂᒃ ᖃᐅᑕᒫᑦ ᐱᓇᓱᐊᕐᑐᑦ ᐋᓐᓂᐊᕕᒻᒥ, ᐊᑦᔨᒌᖕᖏᑐᓂ ᐱᓇᓱᐊᕐᕕᖏᓐᓂ ᓄᐃᑕᑎᑦᓯᔪᖅ. ᐱᓇᓱᐊᖃᑎᒌᑦᑐᑦ, ᐃᓅᒍᓐᓀᔨᐊᖃᕐᐸᓂᖓ, ᐋᓐᓂᐊᕕᒻᒦᑐᓂᒃ ᑲᒪᒋᔭᖃᕈᓯᖓ, ᐃᑉᐱᓂᐊᕐᓂᑯᑦ ᐅᖁᒣᓪᓘᓂᒃᑯᑦ, ᐊᑐᓂ ᐱᓇᓱᐊᕐᑎᒪᕆ ᐱᓇᓱᒍᓯᖃᕐᐳᖅ ᐱᒍᓐᓇᓂᕐᒥᒍᑦ ᐊᑑᑎᔭᒥᒍᓪᓗ. ᐱᓇᓱᐊᕐᓯᒪᓕᕐᓂᒥᒍᑦ ᐊᑦᔨᒌᖕᖏᑐᓂᒃ, ᐊᑦᔨᒌᒥᒃ ᐊᑦᓱᕉᑎᖃᕐᐳᑦ.
ᐊᑦᔨᓕᐅᕈᑎᒃ ᒪᓕᑲᑦᑕᑐᖅ ᑖᒃᑯᓂᖓ ᐋᓐᓂᐊᓯᐅᕐᑎᒪᕆᓐᓂᒃ ᐋᓐᓂᐊᓯᐅᕐᑎᓂᓪᓗ ᐋᓐᓂᐊᓯᐅᕆᐊᓕᒻᒥ ᐃᓅᓯᖓᓂᒃ ᑎᒍᒥᐊᕐᑎᓗᒋᑦ, ᐅᖁᒣᑦᑐᓂᒃ ᑐᑭᑖᕈᑎᖃᕆᐊᖃᕐᐸᑎᓪᓗᒋᑦ, ᖁᕕᐊᓇᕐᑐᓂᓪᓗ ᐅᐱᒪᓇᕐᑐᓂᒃ ᐱᓇᓱᐊᒐᕐᒥᒍᑦ ᐃᑉᐱᓂᐊᒐᖃᕐᑎᓗᒋᑦ. ᖃᐅᔨᕗᒍᑦ ᐊᓐᓂᐊᓯᐅᕆᓂᕐᒥᒃ ᐊᑦᔨᒌᖕᖏᑐᕐᑕᖏᓐᓂᓗ ᐱᓇᓱᐊᕐᐸᑐᑦ ᐃᓅᓯᖃᕐᐸᑐᑦ ᐊᑑᑎᕙᑦᑕᖏᒍᑦ, ᑐᑭᓯᒋᐊᓪᓚᕈᑎᒋᓗᒋᓪᓗ ᑲᑦᓱᙰᑦᑑᒍᑎᒋᓯᒪᔭᖏᓐᓂᒃ ᐱᓇᓱᐊᒐᕆᓕᕐᑕᒥᓄᑦ ᑎᑭᐅᑎᒐᓱᐊᕐᓱᑎᒃ.
