ᐊᑦᔨᒌᖏᑐᓂᒃ ᑲᒪᔩᑦ
ᑕᒃᑯᐊ ᐱᓇᓱᑦᑎᖃᕐᑐᑦ 75-ᓂᒃ ᐊᑦᔨᒌᖏᑐᓂᒃ ᐱᓇᐊᓱᐊᕐᑎᐅᔪᓂᒃ ᐱᓇᓱᐊᕐᓂᖃᕐᓱᑎᒃ ᐊᑦᔨᒌᖏᑐᓂᒃ ᐋᓐᓂᐊᕕᒻᒧᑦ ᐱᒍᑦᔨᒍᑕᐅᒋᐊᓕᓐᓂᒃ, ᐆᑦᑑᑎᒋᓗᒋᑦ ᐃᓪᓗᖁᑏᑦ ᐊᑦᑕᓇᕐᑐᒦᑦᑕᐃᓕᒋᐊᖃᕐᓂᖏᑦ, ᐋᓐᓂᐊᓯᐅᕆᒍᑏᑦ ᐄᖃᒐᐃᑦ ᐊᐅᓪᓚᑎᑕᐅᖃᑦᑕᕆᐊᖃᕐᓂᖏᑦ, ᐊᓯᖏᓪᓗ.
ᐱᔭᕆᐊᓕᓐᓂᒃ ᐱᓇᓱᐊᕐᓂᒧᑦ ᐊᒻᒪᓗ ᐊᐅᓚᑦᓯᓂᕐᒧᑦ ᐱᒍᑦᔨᓃᑦ ᐅᑯᐊᖑᕗᑦ :
ᐊᑦᑕᓇᕐᑐᒦᑦᑕᐃᓕᑎᑦᓯᔩᑦ ᐊᒻᒪᓗ ᑲᒪᔩᑦ ᐃᓘᓐᓄᖏᓐᓂ ᓄᓇᓕᓐᓃᑐᑦ ᐅᖓᕙᒥ. ᑲᒪᒋᔭᖃᓲᑦ ᐊᑦᑕᓇᕐᑐᒦᑦᑕᐃᓕᑎᑦᓯᓂᕐᒥᒃ ᑐᓚᑦᑕᕕᐅᑉ ᐊᑐᕐᑎᖏᓐᓂᒃ ᐊᒻᒪᓗ ᐱᓇᓱᑦᑎᓂᒃ ᐃᓪᓗᐃᓗ ᐊᑦᑕᓇᕐᑐᒦᑦᑕᐃᓕᒋᐊᖃᕐᓂᖏᓐᓂᒃ.
ᑰᑦᔪᐊᒦᑦᑐᑦ, ᐋᓐᓂᐊᕕᓕᐊᕐᑐᓂᒃ ᐅᓯᔩᑦ ᐊᐃᑦᓯᕋᕐᑎᐅᓲᑦ ᐋᓐᓂᐊᕕᓕᐊᕐᑐᓂᒃ ᐊᒻᒪᓗ ᐄᖃᒐᕐᓂᒃ ᐅᓯᑲᑦᑕᑕᑎᐅᑦᓱᑎᒃ ᐅᐃᒪᓇᕐᑐᖃᓕᕐᒪᓗ ᑲᒪᒋᐊᕐᑐᓲᖑᑦᓱᑎᒃ.
ᓯᑕᒪᐅᑦᓱᑎᒃ ᐱᓇᓱᖃᑎᒌᖑᓲᑦ ᖃᖓᑦᑕᐅᑎᑦᓴᓕᐅᕐᓱᑎᒃ ᐊᒻᒪᓗ ᑐᓚᑦᑕᕕᐅᑉ ᐱᓇᓱᑦᑎᖏᑦᑕ ᐱᑦᔪᔭᖏᑦᑕᓗ ᓯᓂᑦᑕᕕᑦᓴᖏᓐᓂᒃ ᐃᓂᑦᓴᓕᐅᕐᑎᐅᓱᑎᒃ. ᖃᕆᑕᐅᔭᒃᑯᑦ ᐃᓱᐊᕐᑐᑯᑦ ᓱᑲᑦᑑᓱᓂᓗ ᐃᓂᑦᓴᓕᐅᕆᒍᓐᓇᓲᑦ.
ᐊᓪᓘᓐᓂᖏᑦ ᓄᓇᓕᓐᓂ ᐱᓯᒪᔪᑦ ᐋᓐᓂᐊᕕᓕᐊᕐᓯᒪᔪᑦ ᑐᔪᕐᒥᐅᕕᖃᕐᑎᑕᐅᓲᑦ ᑰᑦᔪᐊᒥ. ᐋᓐᓂᐊᕕᒻᒧᑦ ᐅᐃᒍᒋᔭᐅᑦᓱᓂ ᑐᔪᕐᒥᐅᕕᒃ ᐃᓪᓕᓕᒃ 20-ᓂᒃ ᒪᕐᕉᓂᓪᓗ ᖃᕆᐊᖃᕐᓱᓂ ᓇᐅᓕᒫᓄᑦ ᓇᔪᕐᑕᐅᒍᓐᓇᑑᓐᓂᒃ ᐃᓱᕐᕆᕕᐅᒍᓐᓇᑑᓐᓂ ᐃᓄᓐᓄᑦ, ᑐᔪᕐᒥᐅᕕᒻᒦᓂᓕᒫᒥᓂᒃ ᓂᕆᑎᑕᐅᖃᑦᑕᓲᑦ.
ᐃᓘᓐᓇᑎᒃ ᑐᓚᑦᑕᕕᐅᑉ ᐃᓪᓗᖁᑎᖏᑦ, ᐋᓐᓂᐊᕕᒃ, ᑐᔪᕐᒥᐅᕕᒃ, ᐱᓇᓱᑦᑏᑦ ᑐᔪᕐᒥᐅᕕᖓ, ᐱᓇᓱᕝᕕᓕᒫᑦ ᐊᐅᓚᑦᓯᕖᓪᓗ ᓴᓗᒻᒪᓴᐃᔨᖃᓲᑦ.
ᑎᑭᓴᐃᔩᑦ, ᐱᖁᑎᖃᐅᑎᒻᒥᓗ ᐱᓇᓱᑦᑏᑦ ᑲᒪᔩᓪᓗ ᑐᓚᑦᑕᕕᐅᑉ ᑭᖒᒪᒋᔭᓕᒫᖏᓐᓂᒃ ᑲᒪᒋᔭᖃᓲᑦ.
ᑕᒡᒐᓂ ᐱᓇᓱᐊᕐᑎᑦ ᐊᑐᐃᓐᓇᕈᕐᑎᕆᓲᑦ ᑮᓇᐅᔭᓄᑦ ᑐᕌᒐᑦᓴᓂᒃ, ᐊᑭᓕᕆᐊᓕᓐᓂᒃ ᑲᒪᑦᓱᑎᒃ, ᑎᑭᓴᐃᕕᓐᓂᓗ ᐊᑭᓕᕐᑐᐃᓱᑎᒃ ᐊᒻᒪᓗ ᑮᓇᐅᔭᕐᑐᕈᑎᕕᓂᕐᓂᒃ ᑲᒪᓲᖑᑦᓱᑎᒃ.
ᑮᓇᐅᑦᔭᓵᓕᕆᓂᕐᒥᒃ ᐱᓇᓱᐊᕐᑏᑦ ᓈᒻᒪᓈᑦᓯᐊᕋᓗᐊᕐᒪᐋᑕ ᐊᑭᓕᐅᑎᐅᒋᐊᓕᓐᓅᓕᖓᔪᑦ ᑐᓚᑦᑕᕕᐅᑉ ᐱᓇᓱᑦᑎᖏᓐᓂᒃ ᑲᒪᓲᑦ ᐊᑐᓂ ᐊᑭᓕᕐᑕᐅᕕᐅᒋᐊᓖᑦ ᓈᒻᒪᓯᑐᐊᕐᒪᑕ.
ᐋᓐᓂᐊᕕᒻᒥ ᓂᕿᓕᕆᔩᑦ ᓂᕆᒐᑦᓴᓕᐅᓲᑦ ᐊᑦᔨᒌᖏᑐᓂᒃ ᓂᕿᑦᓯᐊᖑᒐᓱᐊᕐᑎᓗᒋᑦ ᐅᓪᓛᕈᒥᑕᕋᑦᓴᓂᒃ, ᐅᓪᓗᒍᒥᑕᕋᑦᓴᓂᒃ ᐅᒻᒪᓗ ᐅᓐᓄᒍᒥᑕᕋᑦᓴᓂᒃ.
ᓄᓇᓖᑦ ᑕᑯᓂᖓ ᐱᒍᑦᔨᕕᐅᒍᓪᓇᑐᑦ
ᐊᓯᖏᓐᓂ ᓄᓇᓕᓐᓃᑐᖃᑐᐃᓐᓇᕆᐊᖃᕐᒥᔪᖅ ᑯᐸᐃᒃᒥ
ᒪᓐᑐᔨᐊᓪ
H7A 1W6
ᑰᑦᔪᐊᖅ
J0M 1C0